Rreth Qendrës Udhëkryq
Misioni ynë është të shpallim praninë transformuese të Jezu Krishtit përmes mësimit biblik dhe trajnimit praktik, duke i pajisur burrat dhe gratë për shërbesë në kishën e Tij në mbarë botën.
Qëllimi ynë
Udhëkryq filloi nga kisha lokale në Ersekë dhe nga shërbimi i saj në komunitet – dhe ky vazhdon të jetë edhe sot fokusi kryesor i Qendrës Udhëkryq. Gjatë krizës Kosovare në vitin 1999 patëm mundësi të blinim ndërtesën ku për dy dekada vazhdojmë të organizojmë kampe verore dhe Shkollën Biblike Udhëkryq me qëllim që t’i udhëhim njerëzit tek Jezu Krishti dhe t’i ndihmojmë ata të mësojnë se çfarë do të thotë të ecin me Të.
Çfarë besojmë
- E gjithë Bibla është zbulesa e frymëzuar e Perëndisë për njeriun.
- Zoti Jezu Krisht është Perëndi dhe i bashkë barabartë me Atin dhe Frymën e Shenjtë. Përes Tij Ati i krijoi të gjitha gjërat.
- Zoti Jezu Krisht u bë njeri pëmes veprimit të mrekullueshëm të Frymës së Shenjtë. Ai ishte i pa mëkat.
- Zoti Jezu Krisht është Qengji i Perëndisë i cili vdiq vullnetarisht në vend të mëkatarëve për t’u bërë kështu Shpengimtari i kësaj bote të rënë, dhe i vetmi Ndërmjetës përmes gjakut shlyes të të cilit ne marrim faljen e mëkateve.
- Zoti Jezu Krisht u ringjall prej së vdekurish, ju shfaq dishepujve të Tij, dhe u kthye sërish tek Ati. Tani, në Personin e Frymës të Shenjtë, Ai banon në jetën e atyre (kisha e Tij) që e pranojnë Atë.
- Fryma i Shenjtë është Perëndi dhe anëtari i tretë i bashkë barabartë i Trinisë.
- Zoti Jezu Krisht do të kthehet personalisht në tokë. Përmes Tij Perëndia do të gjykojë të gjithë botën.
Ekipi ynë
Linda Osborne
Linda, bashkë me burrin e saj Bobin kanë qenë prindërit e Shkollës Biblike që nga fillimi i saj. Kur Bobi u largua nga kjo jetë për të qenë me Zotin në vitin 2013, “Mami Linda”, sikurse e thërrasin me dashuri në komunitetin e Ersekës vendosi të vazhdonte të shërbente në këtë rol.
Mark dhe Ruthie Stoscher
Marku dhe Ruthi janë nga SHBA-të dhe kanë jetuar në Ersekë që nga viti 1994. Marku është Drejtori i Pishtarmbajtësve Shqipëri. Ata kanë katër fëmijë. Marku dhe Ruthi kanë edhe 10 fëmijë të tjerë me të cilët jetojnë në Shtëpinë e Shpresës – një shtëpi fëmijësh nën kujdesin e Kishës Ungjillore Ersekë. Studentët e Shkollës Biblike i ndihmojnë këta fëmijë dhe të tjerë në komunitet me detyrat e shtëpisë si dhe duke luajtur dhe duke ju treguar dashurinë e Perëndisë.
Eric dhe Kathy Gundy
Eriku dhe Kethi janë gjithashtu nga SHBA-të dhe kanë ardhur të jetojnë në Ersekë në vitin 2000. Eriku është anëtar i ekipit udhëheqës të Kishës Ungjillore Ersekë dhe Drejtor i Programit në Qendrën Udhëkryq. Ai është gjithashtu drejtor i Shkollës Biblike kurse Kethi mbikëqyr financat e Fondacionit. Ata kanë tre fëmijë, Andrew, Abi, dhe Josiah.
Liz Codington
Përveç se është infermiere, Liz udhëheq edhe shërbesën ndaj pleqve në komunitet. Liz gjithashtu është e përfshirë në shërbesa të ndryshme të kishës dhe nganjëherë përkthen në Shkollën Biblike.
Anxhela Kumani
Anxhela kohët e fundit ka mbaruar studimet e Masterit në Degën e Turizmit dhe Menaxhimit të Mikpritjes në Durrës, Shqipëri. Ajo është Administratore e mrekullueshme, e dashur dhe e efektshme e Kuzhinës dhe Ambienteve në Qendrën Udhëkryq. Shpesh e shikoni bashkë me mbesën e saj, Anën!
Zhuli dhe Rozela Shkoza
Zbuli dhe Rozela janë motra që janë rritur në Kishën Ungjillore të Ersekës. Ato janë shumë të talentuara në punën me fëmijët dhe sigurojnë udhëheqje dhe mentorim kritik për programin Foleza me fëmijë dhe të rinj në rrezik. Zhuli është edhe instruktore kanoesh në kamp, kurse Rozela udhëheq aktivitetin e punëdores në kampet verore.
Valter dhe Manjola Zeqo
Valteri dhe Manjola janë udhëheqës në programin e fëmijëve në rrezik. Atyre u pëlqen të mikpresin studentët e Shkollës Biblike në shtëpinë e tyre. Ata kanë dy vajza të vogla, Debora dhe Ajsela!
Kuzhineret tona
Milja, Moza, Eva , Elvira dhe Eva janë kuzhinieret tona të mrekullueshme! Ato gatuajnë një larmi të madhe ushqimesh nga tradita Shqiptare por edhe me shije ndërkombëtare për Shkollën Biblike dhe kampet verore. (Jo për mburrje por ushqimi këtu është i shkëlqyer)!
Jesse Scott dhe Klodi Pepa
Jesse dhe Klodi u bënë miq në Shkollën Biblike Udhëkryq. Pas disa vitesh lutjeje ata të dy u kthyen në Ersekë për të themeluar një shërbesë të re sporti. Tani ata kanë disa ekipe dhe gjithashtu ndihmojnë në organizimin e një kampionati kombëtar futbolli me kishat përreth Shqipërisë. Në këtë kampionat kanë luajtur edhe studentët e shkollës biblike.
Sonya Harnish
Sonya ka shërbyer për tre vjet në Tiranë si administratore e zyrës për organizatën misionare AEP. Ajo ka punuar gjithashtu në disa shërbesa të tjera rreth Shqipërisë dhe ka një zemër për dishepullizim. Sonya është administratore e zonja pasi ka qenë përfshirë në biznes si në Shqipëri ashtu dhe në SHBA.
Një histori e Udhëkryq-it
Nw vitin 1999 Kisha Ungjillore e Ersekës filloi të kujdesej për refugjatët që erdhën nga Kosova. Pothuaj 600,000 prej tyre erdhën në Shqipëri. Kishat filluan të reagonin.
Kisha Ungjillore e Ersekës filloi një bashkëpunim me Schloss Klaus, një nga Qendrat e Pishtarmbajtësve Austri për t’iu ardhur në ndihmë refugjatëve. Besimtarët në Ersekë punuan krah për krah me vëllezërit dhe motrat e tyre nga Austria për të ndihmuar këta njerëz të shkatërruar nga lufta, në mënyrë të veçantë vejushat.
Në vitin 2001 u themelua Pishtarmbajtësve Shqipëri përmes lutjeve, urtësisë dhe ndihmës së Qendrave të tjera të Pishtarmbajtësve, në mënyrë të veçantë nga Schloss Klaus, Austri. Ndërtesa kryesore e Qendrës Udhëkryq u ble gjatë krizës Kosovare. Kampi i parë veror u organizua në vitin 2000. Me kalimin e viteve programi ka vazhduar të rritet. Çdo verë pothuaj 2000 kampistë vizitojnë Udhëkryq-in nga e gjithë Shqipëria.
Në vitin 2003 filluam të lutemi për mundësinë e fillimit të një Shkolle Biblike. Zoti e vendosi vizionin për këtë gjë në zemrën e një shqiptari, Elidion Lilo i cili sapo kishte përfunduar studimet në Shkollën Biblike të Pishtarmbajtësve, në Capernwray të Anglisë. Shkolla Biblike filloi në vitin 2004 dhe Doni ishte drejtori i saj. Këtë verë (2019) do të festojmë 15 vjetorin e shkollës.
Erseka
Udhëkryq gjendet në Ersekë, në juglindje të Shqipërisë, afër kufirit me Greqinë. Erseka është qyteti më i lartë mbi nivelin e detit në Ballkan. Kjo do të thotë që këtu do të shijoni pamje spektakolare dhe perëndime të magjishme bashkë me malet e mbuluara nga bora gjatë dimrit.
Erseka nuk është larg nga pika historike si Selaniku dhe Filipia në Greqi dhe studentët mund të zgjedhin t’i vizitojnë këto vende gjatë një prej fundjavave të lira.
Erseka
Udhëkryq gjendet në Ersekë, në juglindje të Shqipërisë, afër kufirit me Greqinë. Erseka është qyteti më i lartë mbi nivelin e detit në Ballkan. Kjo do të thotë që këtu do të shijoni pamje spektakolare dhe perëndime të magjishme bashkë me malet e mbuluara nga bora gjatë dimrit.
Erseka nuk është larg nga pika historike si Selaniku dhe Filipia në Greqi dhe studentët mund të zgjedhin t’i vizitojnë këto vende gjatë një prej fundjavave të lira.
Shkolla Biblike
Udhëkryq ofron një kurse 24 javor (dy simestra nga 12 javë) duke u fokusuar tek studimet e thella të shumë prej librave të Biblës. Kurset përfshijnë edhe tema teologjike me Krishtin në qendër. Mësuesit e shkollës biblike janë anëtarë të stafit të qendrës dhe folës ndërkombëtarë nga qendrat e tjera të Pishtarmbajtësve.
Kampet Verore
Që nga viti 2000, në Udhëkryq kanë ardhur fëmijë dhe të rinj nga e gjithë Shqipëria. Udhëkryq është qendra e parë e kampeve në Shqipëri e cila ka qenë duke organizuar kampe për 20 vjet dhe çdo verë mirëpret pothuaj 2000 kampistë.